СОЈУЗНИЦИ
(Од необјавената поетска збирка „Кучешко време“ – четврти дел, „Раѓање“)
Небото е со мене
и земјата и сите планети
откриени и невидени
од човечко око
во бескрајот лебдат
трепкаат вечно
за да ме заштитат
од злобници накотени
во бес
полни со злоба
со јад
од нечиста сила
поттикнати.
Небото и земјата
се мои сојузници
на патот до вечноста
која ме мами и ми дава
титанска сила
во бескрајот
кого го носам лесно
на моите кревки плеќи.