СЕКОЈДНЕВИЕ

(Од необјавената поетска збирка „Кучешко време“ – осми дел „Освестување“)

Светот се движи,

светот се врти,

се движиме сите,

се вртиме во круг.

Се движат живи јавно,

се движат мртви невидливо,

се движат реално

и во сон,

чисто и блудно,

се движат лицемери,

вообразени профитери,

добри и зли,

уки и неуки,

криминалци и чесни,

смирени и бесни,

вистинољупци и измамници,

измешано – сè во едно,

околу нас – во круг,

комплексно и стресно,

вообичаено несвесно,

се губиме во масата

контролирана од моќ,

црни, бели и жолти,

независно од расата.